Atyraýda 3,7 mln teńge aıyppulyn tólemegen júrgizýshiniń kóligi aıyp turaǵyna qoıyldy

ATYRAÝ. KAZINFORM – Atyraýda tólenbegen 3,7 mln teńge aıyppuly bar júrgizýshi ustaldy. Boryshkerdiń kóligi aıyp turaǵyna qoıyldy.

Atyraý qalalyq polıtsııa basqarmasynyń málimetinshe, boryshker júrgizýshi keshe, 27 mamyrda ustalǵan. 

«Kúndizgi saǵat 16:20 shamasynda jedel basqarý ortalyǵynyń qyzmetkerleri Satpaev-I.Taımanov kósheleriniń qıylysynda NISSAN avtokóligin anyqtady. Patrýldik polıtsııa batalony qyzmetkerleriniń tekserýi kezinde kólik júrgizýshisiniń 3 mln 771 myń teńge aıyppulyn tólemeı júrgeni anyqtaldy. 1978 jylǵy jigit kólik júrgizý quqyǵynan aıyrylǵanyna qaramastan, rýlge otyrǵan. Oǵan qatysty QR Ákimshilik quqyq buzýshylyq týraly kodeksiniń 612-babynyń 3-bóligimen ákimshilik hattama toltyryldy», - dep habarlady qalalyq polıtsııa basqarmasynan.

Polıtsııa qyzmetkerleri jınaqtalǵan is-qujattaryn mamandandyrylǵan ákimshilik sotqa joldady. Al, avtokólik aıyppul turaǵyna qoıyldy.

Eske sala ketelik, budan buryn Atyraý oblysynda boryshkerler 162 mln teńgeniń bereshegin tólemeı júrgenin jazǵan edik.