Atyraýda 30 jastaǵy aqtóbelikten 40 mln teńgeniń sıntetıkalyq esirtkisi tárkilendi

ATYRAÝ. KAZINFORM – Atyraý polıtseıleri Aqtóbe oblysynynyń esirtki taratý úshin kelgen 30 jastaǵy turǵyndy ustady. Kúdiktiden 40 mln teńgeniń esirtkisin tárkilendi.

Atyraý oblystyq polıtsııa departamentiniń baspasóz qyzmetinen málim etkendeı, esirtki qylmysyna qarsy is-qımyl basqarmasynyń qyzmetkerleri áleýmettik jelini monıtorıngileý kezinde esirtkini taratýmen aınalysqan kúdiktini anyqtaǵan. 

– Aqtóbe qalasynyń turǵyny Telegram áleýmettik jelisi arqyly sıntetıkalyq esirtki zattaryn ótkizý jáne satyp alýmen aınalysatyn ınternet dúkenine jumysqa ornalasý úshin kelgeni anyqtaldy. Ol úıinde esirtki zattaryn taratýmen aınalysqan. Tekserý kezinde kúdiktiden quny 40 mln teńge bolatyn «Alfa-PVP» sıntetıkalyq esirtkisiniń 500-den astam dozasy tárkilendi, -dep habarlady departamenttiń baspasóz qyzmeti.

Tergeý sotynyń úkimimen berilgen sanktsııaǵa sáıkes kúdikti 2 aıǵa qamaýǵa alyndy. Qazir sotqa deıingi tergeý amaldary júrgizilip jatyr.

Eske sala ketelik, budan buryn Atyraýda páter jaldaǵan aǵaıyndylar 1 keliden astam esirtkini zańsyz saqtaǵanyn habarlaǵan bolatynbyz.