Atyraýda 25 ata-ana ákimshilik jaýapkershilikke tartyldy
ATYRAÝ. KAZINFORM — Atyraý oblysynyń aýmaǵynda jasóspirimder arasyndaǵy quqyq buzýshylyqtyń aldyn alý maqsatynda «Túngi qala — qaýipsiz balalar» jáne esirtki quraldary men psıhotroptyq zattardyń zańsyz aınalymyna, nashaqorlyqqa qarsy baǵyttalǵan «Qarasora-2026» respýblıkalyq jedel-profılaktıkalyq is-sharalary ótkizildi.
Rolisia.kz málimetinshe, is-shara barysynda tártip saqshylary túngi ýaqytta oıyn-saýyq oryndaryn, kóshelerdi, saıabaqtardy jáne jastar kóp jınalatyn oryndardy tekserdi. Nátıjesinde 260-tan astam jasóspirim ishki ister organdaryna jetkizilip, olardyń qatysýymen 285 ákimshilik quqyq buzýshylyq anyqtaldy.
Sondaı-aq kámeletke tolmaǵandardy tárbıeleý, olardyń quqyqtary men zańdy múddelerin qorǵaý, qaýipsizdigin qamtamasyz etý jónindegi mindetterin tıisinshe oryndamaǵany úshin 25 ata-ana ákimshilik jaýapkershilikke tartyldy.
— Polıtsııa departamenti ata-analardy kámeletke tolmaǵan balalarynyń qaıda jáne kimmen júrgenin turaqty baqylaýda ustap, olardyń qaýipsizdigine erekshe mán berýge shaqyrady. Jasóspirimder arasyndaǵy quqyq buzýshylyqtyń aldyn alý — tek quqyq qorǵaý organdarynyń ǵana emes, otbasy men qoǵamnyń ortaq mindeti, — delingen aqparatta.
Aıta keteıik, Atyraýda 86 memlekettik organ basshysy ákimshilik jaýapqa tartyldy.
