Atyraýda 24 jastaǵy áıel kópirden sekirip ketti

Atyraý qalasyndaǵy ortalyq kópirden 24 jastaǵy ıel Jaıyq ózenine sekirip ketti. Ony tótenshe jaǵdaılar departamentiniń qyzmetkerleri qutqardy, dep habarlaıdy Kazinform.

Oblystyq tótenshe jaǵdaılar departamentiniń qoǵammen baılanys toby búgin, 13 qarashada bolǵan oqıǵany rastady.

«Departamenttiń dıspetcherlik pýltine saǵat 15:00-de Atyraý qalasyndaǵy ortalyq kópirinen belgisiz áıeldiń sekirgeni týraly habar tústi. Oqıǵa ornyna jedel-qutqarý jasaǵynyń qutqarýshylary jedel jetti. Jergilikti ýaqytpen saǵat 15:07-de qutqarýshylar Berikqalı Aıdarov, Ernar Ánýarbekov Aıdyn Baǵyt áıeldi qutqaryp, Jaıyq ózeniniń jaǵasyna shyǵardy, Qutqarylǵan 1999 jylǵy áıeldi jedel járdem brıgadasynyń qyzmetkerlerine tapsyrdy», dep habarlady departamenttiń baspasóz qyzmeti.

Qazir áıeldiń jaǵdaıy qalypty dep baǵalanyp otyr. Ol dárigerlerdiń baqylaýyna alyndy.
Qutqarý jumysyna Atyraý oblystyq tótenshe jaǵdaılar departamentinen 3 qutqarýshy, 1 júzý quraldary tartyldy.

Bul – sońǵy eki kúnde tirkelgen ekinshi derek. Keshe, 12 qarashada BQO-nyń 30 jastaǵy turǵyny kópirden sekirýge oqtalǵan edi.

Kórshi oblystyń turǵynyn patrýldik polıtsııa batalonynyń qyzmetkerleri Danabek Saqýov pen Bolatbek Ázimov, kólik júrgizýshileriniń kómegimen qutqaryp qaldy.

Eske sala ketelik, Eske sala ketelik, buǵan deıin Atyraý oblysy ákiminiń orynbasary kóbinde aýqatty, tolyq otbasynan shyqqan balalar ózine qol jumsaýǵa beıim ekenin aıtqan edi.
Sondaı-aq, Atyraýda 15-qabattyń balkonynan sekirýge oqtalǵan áıel qutqarylǵanyn habarlaǵan bolatynbyz.