Atyraýda 23 jastaǵy boıjetkenniń iz-túzsiz joǵalýyna baılanysty eki kúdikti ustaldy

ATYRAÝ. KAZINFORM – Atyraý qalasynda 5 kún buryn 23 jastaǵy boıjetken iz-túzsiz joǵalyp ketken edi. Osyǵan baılanysty eki kúdikti ustalyp, qamaýǵa alyndy.

Atyraý oblystyq polıtsııa departamentiniń baspasóz qyzmetinen málim etkendeı, ustalǵan kúdiktilerdiń jasy 24 jáne 25-te. 

«Adam urlaý jáne adam óltirý baptarymen qylmystyq is tirkeldi. Qazir polıtsııa qyzmetkerleri keshendi tergeý amaldaryn júrgizýdi bastaldy. Osyǵan baılanysty eki kúdikti ustalyp, ýaqytsha ustaý ızolıatoryna qamaýǵa alyndy. Ózge aqparat tergeý múddesine sáıkes jarııalaýǵa jatpaıdy», -dep málim etti departamenttiń baspasóz qyzmetinen.

Eske sala ketelik, budan buryn Atyraýda 23 jastaǵy boıjetkendi 3 kúnnen beri izdep jatqanyn jazǵan bolatynbyz. 

Іz-túzsiz joǵalǵan boıjetken ıAna Legdokımova 2001 jyly dúnıege kelgen. Ol Atyraý qalasynyń Avangard-2 shaǵyn aýdanyndaǵy kópqabatty úıde turǵan. Páterinen 18 qazan kúni keshki saǵat 22:00 shamasynda shyǵyp, keri oralmaǵan.