Atyraýda 23 jastaǵy boıjetkendi 3 kúnnen beri izdep jatyr

ATYRAÝ. KAZINFORM – Atyraýda 23 jastaǵy boıjetken 3 kún buryn joǵalyp ketken. Ony polıtsııa qyzmetkerleri taba almaı jatyr. 

Atyraý oblystyq polıtsııa departamenti baspasóz qyzmetiniń aqparatyna súıensek, joǵalǵan arý 18 qazanda túngi saǵat 22:00 shamasynda úıinen shyǵyp ketken.

«Іz-túzsiz joǵalǵan boıjetken ıAna Legdokımova 2001 jyoy dúnıege kelgen. Ol Atyraý qalasyndaǵy Avangard-2 shaǵyn aýdanynda turǵan. Úıinen 18 qazan kúni saǵat 22:00 shamasynda shyǵyp, osy ýaqytqa deıin keri oralmaǵan. Joǵalǵan boıdetkenniń boıy – 1 metr 60 sm», - dep habarlady departamenttiń baspasóz qyzmeti. 

Qazir polıtsııa qyzmetkerleri habar-osharsyz ketken arýdy jan-jaqty izdestirý jumystary júrgizip jatyr. Ázirge iz-túzsiz joǵalǵan qyzdyń qaı baǵytqa ketkeni, qaıda júrgeni týraly esh derek joq.

«Joǵalǵan adamdy izdestirý jalǵasyp jatyr. Ol týraly qandaı da bir aqparat bolsa, 102 nómirine dereý qońyraý shalýdy suraımyz», - dep málim etti departamenttiń baspasóz qyzmetinen. 

Eske sala ketelik, budan buryn elordada tórt jyl buryn joǵalǵan adam tabylǵany habarlanǵan bolatyn.