Atyraýda 2 mln tekshe metrden astam sý soryldy

ASTANA. KAZINFORM – Atyraý oblysynyń Jylyoı aýdanynda qalpyna keltirý jumystary jalǵasýda. Bul týraly ákiminiń baspasóz hatshysy Rýslan Jumaǵazıev baıandady.

Búgingi tańda 2 mln tekshe metrden astam sý soryldy, sý 1821 jeke turǵyn úıden sý buryldy. 

«Sońǵy táýlikte Jylyoı aýdanynyń Qulsary qalasynda 155 turǵyn úıde, 2 kásipkerlik obektisinde elektrmen jabdyqtaý qalpyna keltirildi. Bul jumystarǵa 4 brıgada men 6 tehnıka jumyldyryldy. Oǵan qosa, 329 úıde gazben jabdyqtaý qalpyna keltirildi», - dedi R. Jumaǵazıev Ortalyq kommýnıkatsııalar qyzmetinde.

Sonymen birge, zalaldy baǵalaý jáne óteý jónindegi komıssııa 2613 ótinish qabyldady, 3,5 myńnan astam adam birjolǵy materıaldyq kómek aldy.

«Jaıyq ózenindegi jaǵdaıǵa kelsek, Inder aýdanynda sý deńgeıi +13 sm, Mahambet aýdanynda – +7 sm, Atyraý qalasynda – +3 sm kóterildi», - dedi spıker.