Atyraýda 150-den astam úlesker baspanasyna qol jetkize almaı júr
ATYRAÝ. KAZINFORM — Atyraý qalasyndaǵy «Sultan Beıbarys» jáne «Álııa» turǵyn úı keshenderine aqsha salǵan 150-den astam úlesker qurylys jumystaryn tezirek aıaqtaýdy nemese qarjyny qaıtarýdy talap etip otyr.
Bul qos keshenniń qurylysyna «Arkantor» JShS jaýapty. Kompanııanyń úlesker tartýǵa ruqsaty joq. Olar azamattarǵa qurylys jumystaryn 2024 jyly aıaqtaımyz dep ýáde etken. Alaıda kúni búginge qos keshenniń qurylysy toqtap tur.
«Sultan Beıbarys» kesheni 98 páterden turady.Onyń 79-y satylǵan. Jospar boıynsha 2024 jyldyń tórtinshi toqsanynda halyq ıgiligine paıdalanýǵa berilý tıis edi.
Mundaǵy ár sharshy metr alǵashynda 300 myń teńge kóleminde baǵalanǵan. Úleskerler jaqsy jarnamany kórip, qarjy quıǵan.
— 74 sharshy metr bolatyn eki bólmeli páter alamyn dep 2024 jyly úı baǵasynyń 50 paıyzyn tóledim. 4 balam bar. Jalǵyzbasty anamyn. Ózim turyp jatqan úıimdi satyp, jańa úı alýdy josparlaǵan edim. Keshen qurylysynyń aıaqtalar túri joq. Qazir páter jaldap júrmin. Qurylys kompanııasy áne aıaqtaımyz, mine aıaqtaımyz dep ýádege toıdyrdy, — dedi úlesker Raıhan Nurlanqyzy.
Aıtýlarynsha, bul kompanııa osyǵan deıin túrli memlekettik mekemeniń qurylysyn júrgizgen. Repýtatsııasy jaqsy bolǵandyqtan aqsha salǵan.
— Biz sóılesken sarapshylar «Sultan Beıbarys» turǵyn úı kesheniniń qurylysyna shamamen 1 mlrd teńgedeı qarjy ketken dep baǵalady. Al úleskerlerden jınalǵan qarjy 2 mlrd teńgeden asady. Bizge aqshanyń qaıda ketip jatqany jóninde esep berip jatqan eshkim joq, — deıdi taǵy bir úlesker Rústem Joldybaev.
Al «Álııa» turǵyn úı kesheni boıynsha 80-nen astam salymshy bar. Keshen jospar boıynsha 6 bloktan turýy tıis. ıAǵnı, 396 páter bolýy qajet. Búginde onyń 64-i satylǵan. Qazir tek bir úı salynǵan. Onda da qurylysy tolyqtaı aıaqtalmaı, 8 qabat ǵana kóterilgen.
— 2021 jyly «Álııa» turǵyn úı kesheninen páter alý úshin 12 mln teńge tóledim. Qazirgi ýaqytta úıdiń qurylysy toqtap tur. Ákimdikten úıdiń qurylysyn aıaqtaý úshin ınvestor taýyp berýin suraımyz. Bul másele sheshilmese salǵan aqshamyz qaıtarylsyn, — deıdi úlesker Áset Syrym.
Máseleniń mán-jaıy sheneýnikterge jaqsy tanys. Osyǵan deıin birneshe ret kezdesý ótken. Biraq bul taqyrypqa núkte qoıylmaǵan.
Qazir qala bıligi turǵyndardyń arasynan belsendi top quryp, merdigerdi sotqa berý kerek dep otyr. Jergilikti qazynadan bul úıdiń qurylysyn aıaqtaýǵa qarjy bólinbeıdi deıdi shahar basshysy Shákir Keıkın.
— Osy turǵyn úı keshenderiniń qurylysyn aıaqtaýǵa nıetti úmitker áli tabylmady. ıAǵnı, basqa merdiger izdep jatyrmyz. Osyndaı jaǵdaılar buǵan deıin de kezdesken. Keshen qurylysyn basqa merdiger qolyna alsa páter baǵasy qymbattaýy múmkin, — dedi Atyraý qalasynyń ákimi Shákir Keıkın.
Salymshylardy sandaltyp qoıǵan qurylys kompanııasy bolsa qarjylyq jaǵdaıymyz múshkil, bankrot bolýdyń az-aq aldynda turmyz deıdi. Jarty jyldan beri mekemeniń esepshottary buǵattaýly. Óıtkeni, keı mekemelerge tólemdi ýaqytyly jasamaǵan.
Al qurylystyń tolyq aıaqtalmaýyn alǵashynda jasalǵan ekonomıkalyq eseptiń qate bolýymen baılanystyrady.
— 2022-2025 jyl aralyǵyndaǵy ınflıatsııa durys boljanbady. Sondyqtan qarjylyq jaǵdaıymyz qurylysty aıaqtaýǵa múmkindik bermeıdi. Áý bastaǵy jospar boıynsha «Sultan Beıbarysqa» 2,5 mlrd teńge kerek boldy. Al qazir bul qarjy 3 mlrdtan asyp ketti. Bul úıdiń qurylysy 65 paıyzǵa bitip tur. Úleskerlerden túsken aqsha qurylysqa jumsaldy. Al bizdiń kompanııa atynan 500 mlndaı aqsha ketti. Turǵyndardan «Álııa» kesheni boıynsha 800 mln, «Sultan Beıbarys» boıynsha 1,7 mlrd teńge jınaldy. Bul másele ótken jyldyń tamyzynda bastaldy. Bankrottan shyǵarý úshin ońaltý sharalaryn qabyldaımyz. ıAǵnı, memlekettik jobalardy iske asyrý úshin tenderlerge qatysyp kóremiz. Tenderdi utqan jaǵdaıda qurylysty ózimiz jalǵastyra berýimiz múmkin, — dedi qurylys kompanııasynyń dırektory Bolatbek Tájiǵul.
Úleskerlerdiń bazynasyn tyńdaǵan toptyń qatarynda prokýratýra ókilderi de boldy. Olar azamattarǵa quqyqtyq kómek kórsetýge daıynbyz dep otyr. ıAǵnı, másele sot arqyly sheshilmek.
Qurylys kompanııasyna osyǵan deıin úleskerlerdiń aqshasyn zańsyz tartqany úshin birneshe ret aıyppul salynǵan. Al oblystyq memlekettik sáýlet-qurylys baqylaýy basqarmasynyń basshysy Narıman Bıǵalı turǵyndar tarapynan eshqandaı aryz túspegendikten tekseris bolmady dep otyr.
Aıta keteıik, turǵyn úı kesheniniń biri — Jaıyq ózeniniń ortalyqtaǵy jaǵalaýynda, ekinshisi «Nursaıa» yqshamaýdanynda ornalasqan.
Buǵan deıin Atyraý ákimdigi «Talqaırań-2» yqshamaýdanynda apatty dep tanylǵan 14 úıdiń máselesin sheshý úshin demeýshi izdep jatqanyn jazǵan edik.