Atyraýda 14 jastaǵy jasóspirim saýda ortalyǵynda bıikten sekirip ketken
ATYRAÝ. KAZINFORM — Saýda-oıyn-saýyq ortalyqtarynyń birinde kámeletke tolmaǵan jasóspirim qaýipsizdik talaptaryn buzyp, nysanǵa shyǵyn keltirdi.
Aldyn ala málimetke sáıkes, 14 jastaǵy jasóspirim ata-anasynyń qaraýynsyz júrip, belgilengen qaýipsizdik erejelerin saqtamaǵan. Naqtyraq aıtqanda, ortalyqtyń kireberis bóliginen jerge sekirip, tóbe jabyndysyn tesip ótip, jerge qulaǵan. Oqıǵa ornynda oǵan medıtsınalyq kómek kórsetilip, tekserýden keıin jasóspirim ata-anasymen birge úıine jiberildi.
— Atalǵan derek boıynsha jasóspirimniń ata-anasy balany tárbıeleý jónindegi mindetterin tıisinshe oryndamaǵany úshin ákimshilik jaýapkershilikke tartyldy. Sonymen qatar, quzyrly organdarǵa saýda ortalyǵyndaǵy qaýipsizdik sharalaryn qosymsha tekserý týraly nusqama joldandy, — dep málimdedi PD baspasóz qyzmeti.
Osyǵan deıin Atyraýdaǵy erler túrmesinde tóbeles bolyp, sottalýshy kóz jumǵanyn habarlaǵan edik.
