Atyraýda 10 jasar bala «Munaıshy» stadıonynda basseınge batyp ketti

ATYRAÝ. KAZINFORM — Atyraýda «Munaıshy» stadıonyndaǵy basseınge batyp ketken 10 jasar bala kóz jumdy. Qazir keshendi tergeý bastaldy.

Bul derekti Atyraý oblystyq polıtsııa departamentiniń baspasóz qyzmeti rastady. 

Oqıǵa búgin, 14 shilde saǵat 16:30 shamasynda bolǵan. 

«Atyraý qalasyndaǵy „Munaıshy“ stadıonyndaǵy basseınge 10 jasar bala batyp ketip, qaıtys boldy. Qazir atalǵan oqıǵaǵa baılanysty qylmystyq is tirkeldi. Sot-medıtsınalyq saraptama taǵaıyndaldy. Polıtsııa qyzmetkerleri keshendi tergeý amaldaryn júrgizýdi bastady. Ózge aqparat tergeý múddesine sáıkes jarııalaýǵa jatpaıdy», -dep habarlady departamenttiń baspasóz qyzmeti.

«Munaıshy» stadıonyndaǵy basseınine 2019 jyly qaıta jańǵyrtý júrgizilgen.

Basseındegi olımpıadalyq standartqa sáıkes 8 jolaqqa bólingen júzý jolynyń uzyndyǵy — 50, eni — 21, al tereńdigi 2 metrden asady. 

Basseın 2020 jyly senimdi basqarýǵa berilgen. Munda 600-den astam bala sý sportymen aınalysýǵa keledi. 

Eske sala ketelik, budan buryn Atyraýda 4 jasar bala balabaqshanyń káriz qudyǵyna qulap, mert bolǵanyn habarlaǵan edik.

Qazir balabaqsha dırektory men tárbıeshi úıqamaqta otyr.