Atyraýda 10-synyp oqýshysy ózine qol jumsady
ATYRAÝ.KAZINFORM — Atyraý oblysy Maqat aýdanynda 10-synyp oqýshysynyń denesi úıinen tabyldy. Bul aqparatty oblystyq PD rastady.
Oqıǵa 17 aqpan kúni Dossor kentinde bolǵan. Qyz bala úıinde asylyp qalǵan. Qazirgi ýaqytta máseleniń mán jaıyn polıtsııa anyqtap jatyr. Oqıǵaǵa qatysty Qylmystyq kodeksiniń 105-baby, ıaǵnı ózin-ózi óltirýge deıin jetkizý, ózin-ózi óltirýge kóndirý nemese ózin-ózi óltirýge yqpal etý boıynsha is qozǵaldy. Tergeý bastaldy.
Oqýshy Dossor kentindegi Berjan Qanatbaev atyndaǵy orta mektepte bilim alǵan.
Mektep dırektorynyń sózinshe, 2009 jyly týǵan oqýshy shyǵarmashylyqqa jaqyn bolǵan. Tolyq otbasynda tárbıelengen. Osy jaǵdaıdan keıin mobıldik top qurylyp, bilim berý basqarmasy tarapynan tekserý bastalyp ketken.
Osyǵan deıin Atyraýda qatarlastaryn baltamen qýalaǵan oqýshy sabaqqa qatysyp júrgenin habarlaǵan edik.