Atyraýda 10 mıllıon teńge bopsalaǵan jýrnalıst ustaldy

ASTANA. KAZINFORM — Ol qaladaǵy qonaqúılerdiń birinde qolǵa tústi, dep habarlaıdy Atyraý oblystyq Polıtsııa departamentiniń baspasóz qyzmeti.

— Atyraýda polıtsııa qyzmetkerleri jeke kásiporyn basshysynan kompanııa qyzmetine qatysty beınematerıaldy taratpaý úshin 10 mıllıon teńge talap etti degen kúdikpen 36 jastaǵy jýrnalısti ustady. Aqshanyń bir bóligi — 4 mıllıon teńge — deldal arqyly berilgen, — delingen habarlamada.

Vedomstvo málimetinshe, atalǵan derek boıynsha Qazaqstan Respýblıkasynyń Qylmystyq kodeksiniń 194-baby 2-bóligi boıynsha sotqa deıingi tergep-tekserý júrgizilip jatyr. Basqa adamdardyń qylmysqa qatystylyǵy tekseriledi.

Budan buryn habarlanǵandaı, tanymal jýrnalıst Ashat Nııazov qylmystyq is fıgýrantyna aınaldy.