Atyraýda 10 gektardy sharpyǵan qamys órti sóndirildi
ATYRAÝ. KAZINFORM — Qyzylqoǵa aýdanyndaǵy Qarabaý aýylynyń mańynda ashyq aýmaqta tutanǵan qamys órti tolyq sóndirildi. Órt 10 gektar jerdi sharpyǵan.
Tótenshe jaǵdaı 18 qazanda saǵat 23:27–de tirkeldi.
Órtti sóndirýge Atyraý oblysy Tótenshe jaǵdaılar departamentiniń qyzmetkerleri men jergilikti atqarýshy organdardyń kúshteri, barlyǵy 69 adam men 11 tehnıka jumyldyryldy.
— 19 qazan saǵat 19:48–de órt tolyq sóndirildi. Oqıǵa saldarynan zardap shekkender joq, — dep habarlady oblystyq TJD.
Aıta keteıik, tótenshe jaǵdaı Qarabaý aýylynan shamamen 13 shaqyrym qashyqtyqta, ıaǵnı eldimekennen alys aýmaqta tirkelgen.
Jambyl oblysynda qamys pen qurǵaq shóp órtenip jatqany jóninde de jazǵan edik.
