Atyraý jasóspirimderi arasynda qaıyr suraıtyndar bar

ATYRAÝ. KAZINFORM – Atyraý oblysynda balalar ólimi jıi tirkeletin jaıtqa aınaldy. Al, kámeletke tolmaǵan jasóspirimder arasynda qaıyr suraıtyndar bar.

Atyraý oblysynyń prokýrory Baýyrjan Jumaqanovtyń málimetinshe, balalar ólimine qatysty ár is baqylaýǵa alynǵan.

Óıtkeni, sońǵy kezde Atyraýda balalardyń ólimine baılanysty birneshe qaıǵyly jaǵdaı tirkeldi. Máselen, «Jeńis» saıabaǵynda kishkentaı qyzdyń ústine durys bekitilmegen bıýsttiń qulap, qaıtys boldy. Bir aptadan keıin, balabaqshada bala septıkke qulap ketti. Taǵy bir jasóspirim ortalyq basseınge batyp ketti. Kóshedegi sýburqaqta qulaǵan taǵy bir qyz kóz jumdy. Al, ótken aptada Qyzylqoǵa aýdanynyń Saǵyz aýylynda mototsıklmen túıege soǵylǵan jasóspirim mert boldy. Kelesi kúni 15 jasar oqýshy kópqabatty úıdiń terezesinen sekirip, sýıtsıd jasady.

«Prokýratýra jasóspirimderdiń ólimine qatysty árbir isti erekshe baqylaýǵa alyp otyr. Qazir ýaqytta qaıǵyly oqıǵalarǵa sebep bolǵan tulǵalardy anyqtaý, olardy jaýapqa tartý maqsatynda sharalar qolǵa alyndy. Balalardyń qaýipsizdigin qamtamasyz etý úshin mundaı faktilerdi boldyrmaýǵa, bolashaqta qaıtalaýǵa jol bermeýge barlyq jaǵdaı jasalady», - dedi Baýyrjan Jumaqanov.

Atyraý oblysynyń prokýratýrasynyń deregine súıensek, qazir «Baqytty jáne qaýipsiz balalyq shaq» jobasy júzege asyrylyp jatyr. Prokýrorlar qıyn turmystyq jaǵdaıǵa tap bolǵan 50-den astam otbasyna barǵan. Kámeletke tolmaǵandar arasynda qaıyr suraý faktileri anyqtalyp, ata-analaryn jaýapkershilikke tartý qolǵa alynyp otyr. 

Eske sala ketelik, budan buryn Atyraýda 5-qabattan qulaǵan jasóspirimniń ólimine qatysty tergeý bastalǵanyn habarlaǵan edik.