Atyraý turǵynynyń kóliginen 1,5 keli bekire ýyldyryǵy tárkilendi

ATYRAÝ. KAZINFORM – Atyraý qalasy turǵynynyń kóligimen 1,5 keli bekire ýyldyryǵyn zańsyz tasymaldaǵany anyqtaldy.

Atyraý oblystyq polıtsııa departamentiniń baspasóz qyzmetinen málim etkendeı, Lada Vesta avtokóligi kúdik týdyrǵan. 

– Uıymdasqan qylmysqa qarsy kúres basqarmasynyń qyzmetkerleri «Brakoner» jedel profılaktıkalyq is-sharasy kezinde kúdik týdyrǵan Lada Vesta avtokóliginiń 63 jastaǵy júrgizýshisin toqtatty. Avtokóliktiń salonynan 1,5 keli bekire tuqymdas balyqtyń ýyldyryǵy tabylyp, tárkilendi. Kúdiktige qatysty paıdalanýǵa tyıym salynǵan janýarlardy, olardyń bólikterin nemese derıvattaryn zańsyz qolǵa túsirý, ıemdený, saqtaý, ótkizý, ákelý, áketý, jóneltý, tasymaldaý nemese joıý boıynsha qylmystyq is qozǵaldy. Qazir sotqa deıingi tergep-tekserý júrgizý bastaldy. Ózge aqparat tergeý múddesine sáıkes jarııalaýǵa jatpaıdy, -dep habarlady departamenttiń baspasóz qyzmeti.

Eske sala ketelik, Atyraýda mototsıklmen shana súıregen brakonerlerden 530 keli balyq tárkilengenin jazǵan bolatynbyz.