Atyraý turǵyny materıaldyq zalal úshin 2,2 mln teńge tóleıdi

  ATYRAÝ. KAZINFORM — Atyraý soty materıaldyq shyǵyndy óndirý týraly talapty qanaǵattandyryldy. Jergilikti turǵyn jol-kólik oqıǵasynyń saldarynan keltirilgen materıaldyq zalal úshin 2,2 mln teńge tóleıtin boldy. 

Atyraý qalalyq sotynyń aqparatyna qaraǵanda, talap qoıýshy A. jaýapker S.-dan jol-kólik oqıǵasy saldarynan keltirilgen materıaldyq zalaldy óndirýdi suraǵan. 

— Azamattyq is materıaldaryna sáıkes, jaýapker Atyraý qalasynda óziniń avtokóligimen talap qoıýshynyń kóligine soqtyǵysyp, jol-kólik oqıǵasyn jasaǵan. Nátıjesinde talap qoıýshyǵa materıaldyq zalal keltirilgen. Talap qoıýshynyń ókili jaýapkerdiń áreketimen keltirilgen 2 mln 214 myń 363 teńge materıaldyq zalaldy jáne sot shyǵystaryn óndirýdi surady. Atyraý qalasynyń ákimshilik quqyq buzýshylyqtar jónindegi mamandandyrylǵan sotynyń qaýlysymen jaýapker QR Ákimshilik quqyq buzýshylyq týraly kodeksiniń 610-babynyń 1-bóligi boıynsha ákimshilik quqyq buzýshylyq jasaǵany úshin kináli dep tanyldy, — dep habarlady sottan.

Jaýapker ókili talapty moıyndamady. Talap qoıýdy qanaǵattandyrýdan bas tartýdy surady.

— Sot talap qoıýdy qanaǵattandyrdy. Jaýapkerden talap qoıýshynyń paıdasyna 2 mln 214 myń 363 teńge óndirdi, — dep málim etti qalalyq sottan.

Sot sheshimi zańdy kúshine engen joq.

Eske sala ketelik, buǵan deıin Atyraýda 49 mln teńgeni jymqyrǵan mektep-ınternattyń bas esepshisi 5 jylǵa sottalǵanyn jazǵan edik.