Atyraý turǵyny 96 keli bekire balyǵymen ustaldy

Atyraý turǵynynan 96,3 keli bekire tuqymdas baǵaly balyq tárkilendi, dep habarlaıdy Kazinform.

Oblystyq Polıtsııa departamenti baspasóz qyzmetiniń málimetinshe, 10 qyrkúıek pen 31 qazan aralyǵynda «Bekire-2023» jedel-profılaktıkalyq is-sharasy ótip jatyr.

«Polıtsııa departamenti uıymdasqan qylmysqa qarsy kúres basqarmasynyń qyzmetkerleri 17 qazan kúni bekire tuqymdas balyqtardy zańsyz satyp, tasymaldady degen kúdikpen 48 jastaǵy turǵyndy ustady. Tekserý kezinde onyń Damby aýylynda turatyny anyqtaldy. Kúdiktiniń turǵylyqty mekenjaıyn tintý kezinde jalpy salmaǵy 96,3 kelini quraıtyn 27 bekire tuqymdas balyq tárkilendi», – dep habarlady departamenttiń baspasóz qyzmetinen.

Atalǵan derekke qatysty QR Qylmystyq kodeksiniń 339-babynyń 1-bóligimen sotqa deıingi tergep-tekserý bastaldy. Ózge aqparat Qylmystyq-protsestik kodekstiń 201-babyna sáıkes jarııalanbady.

Eske sala ketelik, budan buryn brakonerlerden 1 tonna bekire tárkilenip, 15 mln teńge aıyppul salynǵanyn jazǵan edik.