«Atyraý» taǵy bir sheteldik fýtbolshyny qataryna qosty
ATYRAÝ. KAZINFORM — «Atyraý» fýtbol klýby ganalyq jartylaı qorǵaýshy Ebenezer Oforımen kelisimshartqa qol qoıdy.
31 jastaǵy fýtbolshy kásibı mansabynda Shvetsııa, Germanııa, AQSh, Danııa jáne Lıtva chempıonattarynda óner kórsetken. Ol Shvetsııanyń AIK, Germanııanyń «Shtýtgart», AQSh-tyń «Nıý-Iork Sıtı» sekildi klýbtarynda oınaǵan.
Tájirıbeli jartylaı qorǵaýshy Gana ulttyq quramasy sapynda 10 match ótkizip, bir goldyń avtory atanǵan.
— Qazir «Atyraý» klýbynyń negizgi quramynda 26 oıynshy bar. Onyń altaýy bıylǵy jazǵy transferlik kezeńde komanda qataryna qosyldy. Jańa oıynshylardyń beseýi — sheteldik, bireýi — qazaqstandyq.
Buǵan deıin klýb qataryna serbııalyq shabýylshy qosylǵanyn jazǵan edik.
