Atyraý soty ýádesinde turmaǵan turǵynǵa 2,9 mln teńgeni tóleýdi mindettedi

ATYRAÝ. KAZINFORM – Atyraý turǵyny tapsyrys berýshige Qytaıdan taýar aldyryp berýge ýáde bergen. Alaıda aqshasyn alǵannan keıin taýardy jetkizbegen. 

Атырау соты уәдесінде тұрмаған тұрғынға 2,9 млн теңгені төлеуді міндеттеді
Фото: freepik.com

Osyǵan baılanysty tapsyrys berýshi Atyraý qalalyq sotyna júgindi. Sotta talap qoıýshynyń jaýapkerden bereshekti óndirýine baılanysty azamattyq is qaraldy.

– Talap qoıýshy A. jaýapker R. arqyly Qytaıdan taýarlar aldyrýǵa tapsyrys berip, Kaspi.kz qosymshasy arqyly tólem jasaǵany anyqtaldy. Jaýapker taýarlardy eki apta ishinde jetkizip beretinin aıtyp, ýáde bergen. Alaıda jaýapker taýar jetkizbegen, aqshany qaıtarmaǵan. Keıin qarajyny 60 kúnniń ishinde qaıtaryp beremin dep qolhat jazyp bergen, - dep habarlady qalalyq sottan.

Sottan talap qoıýshy jaýapkerden bereshekti óndirip berýdi suraǵan. Іsti sotta qaraý kezinde taraptar daýdy medıatsııa tártibimen retteý týraly ózara kelisimge kelgen. 

– Kelisim shartyna sáıkes jaýapker R. talap qoıýshyǵa bereshek jáne sot shyǵyndary esebinen ózara kelisilgen 2 mln 948 myń teńgeni kestege sáıkes tóleýdi mindetine aldy. Talap qoıýshy talabynan bas tartty, - dep málim etti sottan.

Sot uıǵarymy zańdy kúshine endi.

Eske sala ketelik, buǵan deıin Atyraý soty depýtat pen bloger daýyna qatysty úkim keskenin habarlaǵan edik. 

Сейчас читают