Atyraý prokýratýrasy quryltaıshylarǵa aldanǵan úleskerlerdiń quqyǵyn qorǵady

ATYRAÝ. KAZINFORM – Atyraý turǵyndary birneshe turǵyn úı kooperatıviniń quryltaıshylaryna senip, nysandar qurylysyna úlesker bolǵan. Alaıda áli kúnge deıin páterin almaǵandar bar.

Atyraý qalalyq prokýratýrasy «Atameken turǵyn úı», «Family town», «Baisanat Residence» jáne «SaraishyqInvestGroup» turǵyn úı-qurylys kooperatıvteriniń (TQK) quryltaıshylary tarapynan zańsyz áreketterdi anyqtady. Quryltaıshylardyń zańsyz isinen zardap shekken azamattardyń quqyqtaryn qorǵaýdy jalǵastyryp jatyr.

– Zardap shekken paıshylardyń quqyqtaryn qorǵaý maqsatynda Atyraý qalasynyń prokýratýrasy «Baisanat Residence» TQK jáne onyń quryltaıshylarymen jasalǵan sharttardy buzý, aıaqtalmaǵan qurylys nysandarynan alynǵan qarajattardy paıshylarǵa tabystaý týraly talap aryzben Atyraý qalalyq sotyna júgindi. Sot prokýratýranyń talaptaryn zańdy dep tanyp, talap aryzdy tolyq kólemde qanaǵattandyrdy. Bul sheshim paıshylarǵa ınvestorlardy tartyp, qurylysty aıaqtaýǵa, kópten kútken baspanalaryn alýǵa múmkindik beredi, -dep habarlady oblystyq prokýratýradan.

Sondaı-aq, Atyraý qalalyq prokýratýrasynyń qabyldanǵan sharalary nátıjesinde «Qazanat» TQK-nyń jer ýchaskesin paıshylardyń menshigine qaıtarylǵan. Al, «Aqmarjan» TQK júrgizgen turǵyn úıdiń paıdalanýǵa berilýin qamtamasyz etken.

Eske sala ketelik, budan buryn Atyraýda zardap shekken úleskerdiń paıdasyna jer telimderi qaıtarylatynyn habarlaǵan bolatynbyz.