Atyraý prokýratýrasy ınvestordyń quqyǵy buzylǵanyn anyqtady
Atyraý oblysynyń prokýratýrasy ınvestordyń quqyǵy buzylǵanyn anyqtady. Qadaǵalaý organy yqpalymen bıýdjetten ınjenerlik jeli salýǵa 49 mln teńgeniń bólýine yqpal etti, dep habarlaıdy Kazinform.
Atyraý oblystyq prokýratýrasy baspasóz qyzmetiniń málimetinshe, óńirde 18 ınvestordyń jobalaryna salǵan ınvestıtsııasy 4,6 trln teńgeni quraıdy.
– Prokýratýranyń negizgi mindeti – problemalardy tıimdi sheshý, ınvestorlardyń quqyqtary men zańmen qorǵalatyn múddelerin qalpyna keltirý. Qadaǵalaý organy ınvestıtsııalyq jobalardy súıemeldeý boıynsha jumysty jalǵastyryp jatyr. Prokýrorlar ýákiletti organdar tarapynan ınvestorlarmen jumys tıisti deńgeıde uıymdastyrylmaǵanyn, ózara is-qımyldyń joqtyǵyn, ınvestorlardyń zańdy quqyqtarynyń buzylǵanyn anyqtady, -dep habarlady prokýratýranyń baspasóz qyzmeti.
Máselen, 2020 jyly «Olımpık-Atyraý» JShS týrıstik baza men atqyshtar klýbyn salý jobasyn maquldanǵan. Al, jergilikti atqarýshy organ nysandy ınjenerlik kommýnıkatsııalarmen qamtýdy mindetine alǵan.
– Alaıda, jergilikti atqarýshy organdar úsh jyl boıy óz mindettemelerin oryndaý jóninde múldem sharalar qabyldamaǵan. Osylaısha, Úkimettiń 2019 jylǵy 31 jeltoqsandaǵy «Jeke kásipkerlikti memlekettik qoldaýdyń keıbir sharalary týraly» qaýlysynyń 32-tarmaǵy buzylǵan. Jergilikti atqarýshy organ jobany iske asyrý úshin úsh jumys kúni ishinde sharalar qabyldaýy qajet. Nátıjesinde ınvestor 50 mln teńge salynǵan joba qurylysyn júzege asyrýdy májbúrli túrde toqtatty. Prokýratýranyń qadaǵalaý aktisimen ınjenerlik jelilerdi salýǵa bıýdjetten 49 mln teńge bólinip, ınvestordyń quqyqtary qorǵaldy, -dep málim etti oblystyq prokýratýranyń baspasóz qyzmetinen.
Eske sala ketelik, budan buryn Atyraýda keı kompanııalar jumysshylarǵa jalaqysyn bermeı kelgenin habarlaǵan edik.
