Atyraý polıtsııasynda jumys isteıtin arý qoıan-qoltyq urystan Azııa chempıony atandy
ATYRAÝ. KAZINFORM – Atyraý polıtsııasynda jumys isteıtin arý qoıan-qoltyq urystan Azııa chempıony atandy.
Atyraý oblystyq polıtsııa departamenti baspasóz qyzmetiniń aqparatyna qaraǵanda, qyzmetimen birge sportta da jetikstikke jetken qyzmetkerler az emes. Sonyń biri – polıtsııa leıtenanty
Aıda Haırýllına sporttyń qoıan-qoltyq urys túrimen aınalysady.
Osy aptada Qyrǵyz Respýblıkasynyń astanasy – Bishkekte ótken Azııa chempıonatynda baq synady. Dúbirli dodada 13 elden 250 sportshy qatysqan.
Bul saıysta atyraýlyq polıtsııa leıtenanty Aıda Haırýllına 70 keli salmaqta synǵa tústi. Ol qarsylastarynyń bárin qapy qaldyryp, birinshi júldeni ıelendi. Sóıtip, Azııa chempıonaty atanyp otyr.
Eske sala ketelik, buǵan deıin Atyraý polıtsııasynda qoıan-qoltyq urystan álem chempıony atanǵan atyraýlyq polıtseı jumys isteıtinin habarlaǵan edik.
Polıtsııa aǵa leıtenanty Dıana Jumaǵazıeva Atyraý qalasynda kámeletke tolmaǵandar isi jónindegi ýchaskelik polıtsııa ınspektory bolyp jumys isteıdi. Óziniń aıtýynsha, bala kezinen polıtsııada jumys isteýdi maqsat etken.
Sol maqsatpen M.Bókenbaev atyndaǵy zań ınstıtýtyn bitirgen. Quqyq qorǵaý organyndaǵy qyzmetin ýchaskelik polıtsııa ınspektorynyń kómekshisinen bastaǵan.
Qazir ol jumyspen ǵana shektelmeı, sporttyń kıkboksıng jáne qoıan-qoltyq urys túrimen shuǵyldanady. Sporttaǵy jetistigi az emes. Jastar arasyndaǵy Qazaqstannyń chempıony, qoıan-qoltyq urystan áıelder arasyndaǵy álem chempıony atanǵan.
