Atyraý polıtseıleri perzenthanaǵa jedel jetkizgen úsh júkti áıel aman-esen bosandy
Atyraý oblysynda jolda patrýldik qyzmet atqarǵan polıtseıler 3 júkti áıeldi perzenthanaǵa jedel jetkizdi. Perzenthanada 1 ul, 2 qyz ómirge keldi, dep habarlaıdy Kazinform.
Atyraýda sońǵy kúnderi aýa raıy kúrt sýytty.
Sol sebepten patrýldik polıtsııa rotasynyń qyzmetkerleri jolda qalǵan kólik ıelerine kómek berip júr.
«Aqtóbe-Atyraý-Astrahan tasjolynyń 597-shaqyrymy tusynda Honda avtokóliginiń júrgizýshisi rota ınspektorlary, polıtsııa kapıtandary Aslanbek Beısembaev, Nurlybek Baqytjanov pen polıtsııa aǵa leıtenanty Turar Qıbashtan áıelin oblystyq perınataldy ortalyqqa jetkizýge kómek suraǵan. Al, jedel járdem brıgadasynyń meıirbıkesi Atyraý-Oral tasjoly boıyndaǵy Almaly beketindegi polıtsııa ınspektorlary Almas Beısenǵalıev pen Jangeldi Ospanovtyń kómegine júgingen. Jedel járdem kóligi buzylyp, júrmeı qalǵan. Atalǵan jolda polıtsııa qyzmetkerleri Berdibek Habıbýllaev pen Jangeldi Ospanov taǵy bir júkti áıelge kómek qolyn sozdy» dep habarlady departamenttiń baspasóz qyzmeti.
Polıtsııa qyzmetkerleri úsh júkti áıeldi oblystyq perınataldyq ortalyqqa jetkizgen.
Al perzenthanada úsh ana aman-esen bosanyp, ómirge 1 ul, 2 qyz kelgen.
Eske sala ketelik, buǵan deıin Atyraýda ómirge kelgen 20 mıllıonynshy sábıdiń esimi — Muhammad ekenin habarlaǵan bolatynbyz.
Posmotret etý pýblıkatsııý v Instagram
