Atyraý polıtseıleri byltyr ózendegi muz astyna qulaǵan 12 adamdy qutqarǵan

 ATYRAÝ. KAZINFORM – Atyraý oblysynyń polıtseıleri byltyr ózenderdegi muz oıylyp, sýǵa qulaǵan 12 adamdy qutqaryp qalǵan. 

Atyraý oblystyq polıtsııa departamentiniń baspasóz qyzmetinen málim etkendeı, sý aıdyndaryndaǵy qaýipsizdikti saqtaýǵa baılanysty is-sharalar kúsheıtilgen. 

– Ótken jylǵy qysta polıtseıler muz oıylyp, sýǵa qulaǵan 12 adamdy qutqaryp qaldy. Bıyl aýa-raıy qubylmaly aýa raıyna baılanysty jazataıym oqıǵalardyńaldyn alý úshin Jaıyq ózeniniń jaǵalaýynda patrýldeýdi qolǵa alyndy. Tótenshe jaǵdaılar departamentiniń qyzmetkerlerimen birge áýesqoı balyqshylarǵa qaýipti tustardan balyq aýlaýǵa tyıym salynatynyn, muz ústinde júrgen turǵyndarǵa qaýipsizdikti saqtaý týraly túsindirý jumysy júrgizilip jatyr, -dep habarlady departamenttiń baspasóz qyzmeti. 

Polıtsııa departamentiniń málimetinshe, qazir Jaıyq ózeninde qatqan muz asa qalyń emes. Keı tusynda adamnyń salmaǵyn kótermeýi múmkin. 

– Jaıyq ózeniniń eskertý belgileri ornatylǵan tustynan muz ústine shyqqan turǵyndarǵa ákimshilik jaýapkershilik kózdelgeni eskertildi. Ásirese kámeletke tolmaǵan balalardy ózenge, muz ústimen ótýge jibermeý qajet, -dep málim etti departamenttiń baspasóz qyzmeti. 

Eske sala ketelik, budan buryn jańa jyl túninde 15 atyraýlyq otbasynyń shyrqyn buzǵanyn habarlaǵan edik.