Atyraý-Oral trassasynyń Mahambet aýdanyndaǵy 56-shaqyrymy jyrylǵan

ATYRAÝ. KAZINFORM – Atyraý-Oral trassasynyń Mahambet aýdanyndaǵy 56-shaqyrymy jyrylǵan. Qazir joldyń jyrylǵan tusynan sý aǵyp jatyr.  

Mahambet aýdanynyń ákimi Qaırat Nurlybaevtyń aıtýynsha, kanaldyń bárine sý tolǵan. Ákim tasqyn qaýpi aldyndaǵy Mahambet aýdanyndaǵy ahýal týraly aıtty

«Qazirgi ýaqytta Mahambet aýdanynyń aýmaǵyndaǵy kanaldyń barlyǵyna sý toldy. Degenmen kanaldardyń boıyn jyrý arqyly sýdy teńizge baǵyttaý, burynǵy, saı-jyralarǵa qaraı jiberý jumysy jalǵasyp jatyr. Respýblıkalyq mańyzy bar «Atyraý – Oral» tas jolyn tasqyn sý basý qaýpine bolǵandyqtan, 56-shaqyrymy jyryldy. Joldyń jyrylǵan bóligimen sý jiberilip jatyr. Bul qadam eldi mekenderdi tasqyn sý basýdan saqtaý maqsatynda jasalyp otyr», - dedi Qaırat Nurlybaev.

Eske sala ketelik, budan buryn Jaıyq deńgeıi Inderde 5 santımetrge tómendep, Mahambet aýdanynda 10 metrge jetti.

Sondaı-aq, búgin Atyraý-Inder tas jolynyń oıylǵan bóligin jóndelip jatyr.