Atyraý-Oral trassasynyń Mahambet aýdanyndaǵy 44-shaqyrymy jyryldy

ATYRAÝ. KAZINFORM – Atyraý oblysy jedel shtabtyń málimetinshe, sý tasqynynan Mahambet aýdanyndaǵy eldi mekenderge qaýip tóngen. 

«Atalǵan jaǵdaıǵa baılanysty respýblıkalyq Atyraý-Oral tas jolynyń 44 shaqyrymy jyryldy. Bul aǵysy qatty ór sýynyń eldi mekenderge qaýpin seıiltý maqsatynda jasaldy», - dep habarlady oblystyq jedel shtabtan. 

Atyraýdan Batys Qazaqstan oblysyna jol júretin júrgizýshilerge eki baǵyt usynylyp otyr. Birinshi baǵyt – Isataı aýdanyndaǵy H.Erǵalıev aýyly arqyly Mahambet aýdanynyń aýmaǵyndaǵy Atyraý-Oral trassasyna jetý.

Ekinshi baǵyt – Atyraý-Inder oblystyq mańyzdaǵy avtojolymen júrip, Mahambet aýdanyndaǵy Ortaqshyl aýyly tusyndaǵy kópirden ótý. Bul kópirden Mahambet aýylynyń tusynda Atyraý-Oral tas jolyna burylýǵa bolady. 

Eske sala ketelik, buǵan deıin Atyraý-Oral trassasynyń Mahambet aýdanyndaǵy 56-shaqyrymy jyrylǵanyn jazǵan edik.