Atyraý-Oral trassasynan Inderborǵa baratyn joldy jóndeý aıaqtalýǵa jaqyn

ATYRAÝ. KAZINFORM – Atyraý-Oral trassasynan Inderbor kentine baratyn joldy jóndeý aıaqtalýǵa jaqyndady. Jol búgin keshte ashylýy múmkin.

Inder aýdany ákiminiń orynbasary Artýr Mýrzınniń aıtýynsha, atalǵan jol bóliginiń uzyndyǵy – 7 shaqyrym.

 

Bul joldyń 100 metr bóligin 13 mamyr kúni Jaıyq ózeninen saı-jyralarǵa jaıylǵan tasqyn sý shaıyp ketken edi.

«Tasqyn sý shaıǵan joldy qalpyna keltirý 14 mamyrda bastaldy. Joldy jóndeýge 3 júk tıegish, 1 gıdromek, 1 ekskovator, 7 KamAZ kóligi tartyldy. Qazir jodyń kedergisiz aǵýy úshin dıametri 720 mıllımetrlik 3 temir turba salyndy. Topyraq pen gıps tastar tógildi», - deıdi Artýr Mýrzın. 

Onyń aıtýyna qaraǵanda, atalǵan jol qalpyna keltirilgennen keıin tek jeńil kólikterge júrýge ruqsat beriledi. Al, júk kólikteriniń qozǵalysyna shekteý qoıylady.

Eske sala ketelik, budan buryn Inder aýdanyndaǵy eldi mekenderdiń turǵyndary Inderbor kentine qaıyqpen qatynaıtynyn habarlaǵan edik.