Atyraý oblysynda prokýratýra múlik salyǵyn tómendetý derekterin anyqtady

Atyraý oblysy prokýratýrasy salyq tóleýshilerdiń múlik salyǵyn esepteý kezinde salyq salý bazasyn tómendetý derekterin anyqtady.

Josyqsyz salyq tóleýshiler salyq júktemesin azaıtý maqsatynda deklaratsııalarda salyq salý bazasyn anyqtaýǵa áser etetin burys (naqty emes) málimetterdi kórsetken, bul salyqtyń tolyq tólenbeýine ákep soqtyrǵan.

Máselen, «M» JShS 2025 jyly obektiniń alańyn 14 700 sharshy metr dep eseptep, 9,2 mln teńge kóleminde múlik salyǵyn tólegen, al «Azamattarǵa arnalǵan úkimet» KEAQ málimetterine sáıkes obektiniń naqty alańy 28 827,3 sharshy metr.

Salyq salý bazasyn tómendetý nátıjesinde salyqtyń jetispeıtin somasy 8,5 mln teńgeden asty.

Osyndaı zań buzýshylyqtar taǵy 63 jyljymaıtyn múlik obektisi boıynsha anyqtalyp, búgingi tańda bıýdjetke 250 mln teńgeden astam qarajattyń óndirilýi qamtamasyz etildi.

Aıta ketelik Prokýratýra Katonqaraǵaıdaǵy 27,8 mln teńge jalaqy bereshegin anyqtaǵan edi.