Atyraý oblystyq polıtsııa departamenti bastyǵynyń jańa orynbasary taǵaıyndaldy

ATYRAÝ. KAZINFORM – Іshki ister mınıstri Erjan Sadenovtyń buıryǵymen Atyraý oblystyq polıtsııa departamenti bastyǵynyń jańa orynbasary taǵaıyndaldy. Endi bul laýazymdy polıtsııa polkovnıgi Erlan Bıǵambaev atqarady.  

Erlan Valerııuly Atyraý qalasynda dúnıege kelgen. Іshki ister organdaryndaǵy eńbek jolyn 2002 jyly bastaǵan. 

Atyraý qalalyq polıtsııa basqarmasynda basshylyq laýazymdy atqarǵan. Keıin departamentke qarasty jergilikti polıtsııa qyzmeti basqarmasynyń bastyǵy bolyp taǵaıyndalǵan. 

Qazir oblystyq polıtsııa departamentin polıtsııa general-maıory Nurhat Orazbaev basqarady. Onyń 6 orynbasary bar. 

Eske sala ketelik, budan buryn Asqar Júsipov Atyraý oblystyq ekologııa departamentin basqaratynyn habarlaǵan edik. Jańa basshyny ujymǵa Ekologııalyq retteý jáne baqylaý komıteti tóraǵasynyń orynbasary Álibek Bekmuhametov tanystyrdy.