Atyraý oblystyq memlekettik sáýlet-qurylys baqylaýy basqarmasynyń basshysy taǵaıyndaldy
ATYRAÝ.KAZINFORM — Atyraý oblysy ákiminiń ókimine sáıkes Atyraý oblysy memlekettik sáýlet-qurylys baqylaýy basqarmasynyń basshysy qyzmetine Rınat Qapanov kiristi.
Rınat Qapanov — joǵary bilimdi. 2007 jyly Atyraý munaı jáne gaz ınstıtýtyn «Ónerkásiptik jáne azamattyq qurylys» mamandyǵy boıynsha támamdaǵan.
Eńbek jolyn 2010 jyly jeke sektorda bastap, ár jyldary óndiristik kásiporyndarda elektrık, sheber, qurylys jáne tehnıkalyq qadaǵalaý salasyndaǵy jeke kompanııalarda tehnıkalyq qadaǵalaý sarapshysy, basqarma basshysy, ınjener jáne aǵa ınjener bolyp jumys istegen.
2013 jylǵy jeltoqsannan 2021 jylǵy jeltoqsanǵa deıin Atyraý oblysy memlekettik sáýlet-qurylys baqylaýy basqarmasynda túrli qyzmet atqaryp, bas mamannan memlekettik sáýlet-qurylys ınspektsııasy bóliminiń basshysyna deıingi laýazymdarda eńbek etken.
Basqarma basshylyǵyna taǵaıyndalǵanǵa deıin Atyraý oblysy energetıka jáne turǵyn úı-kommýnaldyq sharýashylyq basqarmasynyń ınjenerlik ınfraqurylymdy damytý bóliminiń bas mamany bolyp jumys istedi.
Buǵan deıin Pavlodar oblysy balalardyń quqyqtaryn qorǵaý basqarmasynyń basshysy taǵaıyndalǵanyn jazǵan edik.
