Atyraý oblystyq energetıka jáne TÚKSh basqarmasyna jańa basshy taǵaıyndaldy
ATYRAÝ.KAZINFORM — Atyraý oblysy ákiminiń Qazaqstan Respýblıkasy Memlekettik qyzmet isteri agenttigimen kelisilgen ókimine sáıkes energetıka jáne turǵyn úı kommýnaldyq sharýashylyǵy basqarmasynyń basshysy bolyp Jantas Ospan taǵaıyndaldy.
Jantas Ospan 2009 jyly Atyraý munaı jáne gaz ınstıtýtyn «Munaı-gaz salasyndaǵy qoldanbaly ekologııa», 2019 jyly S. Ótebaev atyndaǵy Atyraý munaı jáne gaz ýnıversıtetin «Munaı-gaz isi», 2025 jyly Almaty Menedjment Ýnıversıtetin «Jalpy jáne strategııalyq menedjment» mamandyǵy boıynsha támamdaǵan. Magıstr dárejesi bar.
Eńbek jolyn 2004 jyly «Jańa jol-1» JShS-nde jabdyqtaý jónindegi ınjener bolyp bastaǵan. Ár jyldary munaı-gaz salasyndaǵy kásiporyndarda sapany baqylaý ınjeneri, qurylys jónindegi dırektordyń orynbasary, BÓAjA ınjeneri, maman, óndiristik-tehnıkalyq bólim basshysynyń orynbasary jáne bólim basshysy qyzmetterin atqarǵan.
2023 jylǵy jeltoqsannan beri 2026 jyldyń shildesine deıin energetıka jáne turǵyn úı-kommýnaldyq sharýashylyq basqarmasynda tapsyrmalardyń oryndalýyn baqylaý jónindegi ınspektor, keıin basqarma basshysynyń orynbasary bolyp jumys istedi.
Jańa laýazymǵa taǵaıyndalǵanǵa deıin ol 4 aıǵa jýyq tabıǵı resýrstar jáne tabıǵat paıdalanýdy retteý basqarmasyna jetekshilik etti.
Buǵan deıin Memleket basshysynyń Jarlyǵymen Marat Irmenov QR Ulttyq qaýipsizdik komıtetiniń tóraǵasy bolyp taǵaıyndalǵanyn jazǵan edik.