Atyraý oblystyq aýmaqtyq ınspektsııasynyń basshysy para aldy degen kúdikke ilindi
ASTANA. KAZINFORM - QR AShM Veterınarııalyq baqylaý jáne qadaǵalaý komıtetiniń Atyraý oblystyq aýmaqtyq ınspektsııasynyń basshysy para aldy degen kúdikke ilindi.
Bul týraly QR Sybaılas jemqorlyq qarsy qarsy is-qımyl agenttiginiń baspasóz qyzmeti málim etti.
Baspasóz qyzmetiniń málimetterine qaraǵanda, Atyraý oblysy boıynsha Sybaılas jemqorlyqqa qarsy qyzmet oblys prokýratýrasynyń úılestirýimen «QR AShM Veterınarııalyq baqylaý jáne qadaǵalaý komıtetiniń Atyraý oblystyq aýmaqtyq ınspektsııasy» MM basshysyna qatysty sotqa deıingi tergeý júrgizýde.
Ol taýarlardy Qazaqstan Respýblıkasy men Reseı Federatsııasy shekaralarynyń shektesken ýchaskesinde Keden odaǵynyń kedendik shekarasy arqyly ótkizý kezinde olardyń zańdy qyzmetin jedel jáne kedergisiz júzege asyrǵany úshin syrtqy ekonomıkalyq qyzmetke qatysýshylardan 2 100 000 teńge somasynda para aldy dep kúdiktenedi.
Tergeý jalǵasýda.
Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
«Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi»,-delingen habarlamada.
