Atyraý oblysynyń jumyldyrý daıyndyǵy basqarmasynda basshy aýysty

ATYRAÝ. KAZINFORM – Atyraý oblysynyń ákimi Serik Shápkenovtyń ókimimen Jumyldyrý daıyndyǵy, aýmaqtyq jáne azamattyq qorǵanys basqarmasynyń basshysy taǵaıyndaldy. Endi bul laýazymdy Serik Ámirov atqarady.

Serik Samatuly 1979 jyly Atyraý oblysynda dúnıege kelgen.

D.Kýrskıı atyndaǵy Saratov memlekettik quqyq akademııasynda bitirgen. Keıin Sh.Esenov atyndaǵy Kaspıı tehnologııalar jáne ınjınırıng ýnıversıtetinde Executive MBA baǵdarlamasy boıynsha «Іskerlik basqarý» magıstri dárejesin támamdaǵan. Sondaı-aq Ulybrıtanııanyń London qalasyndaǵy Canterbury Christ Church University ýnıversıtetinde taǵylymdamadan ótken. 

Eńbek jolyn Aqtóbe oblysynyń prokýratýra organdarynda bastaǵan.

Keıin Atyraý oblysynyń prokýratýrasynda jumys istep, Atyraý oblysy ákimi apparatynyń memlekettik-quqyqtyq bólimin basqarǵan. Mańǵystaý oblysynyń prokýratýra organdarynda jáne «Atameken» UKP-da basshylyq laýazymdardy atqardy. 

2024 jyldyń aqpanynan bastap búginge deıin Atyraý oblysy ákimi apparaty basshysynyń orynbasary qyzmetin atqaryp keldi.

Eske sala ketelik, budan buryn «Teńizshevroıl» kompanııasyna bas dırektor taǵaıyndalǵanyn jazǵan edik.