Atyraý oblysynyń turǵyny mas kúıde jeńgesin balaǵattap, tereze syndyrǵan

ATYRAÝ. KAZINFORM — Atyraý oblysynda er adam mas kúıde jeńgesin balaǵattap, bólmesiniń terezesin syndyryp ketken. Sot quqyq buzýshyǵa aıyp túrindegi jaza taǵaıyndady.

Bul is Isataı aýdandyq sotynda qaraldy. Aıyptalýshy E.-ge qatysty QR Ákimshilik quqyq buzýshylyq týraly kodesiniń 434-babynyń 1-bóligimen ákimshilik hattama toltyrylǵan.

— Quqyq buzýshy E. 2024 jyldyń jeltoqan aıynda túngi mezgilde aǵasynyń úıine kelgen. Alkogoldik ishimdik iship, mas bolǵan ol jeńgesin balaǵattap, jatyn bólmesiniń terezesin syndyrǵan. Osylaısha aınalasyndaǵylardy syılamaı, qoǵamdyq tártip pen turǵyndardyń tynyshtyǵyn buzǵan, — dep habarlady aýdandyq sottan.

Isataı aýdandyq sotynda ótken otyrysta quqyq buzýshy óziniń kinásin moıyndady. ️Sot qaýlysymen E. kináli dep tanyldy. Oǵan ákimshilik aıyppul túrindegi jaza taǵaıyndaldy.
Sot qaýlysy zańdy kúshine endi.

Eske sala keteıik, budan buryn Atyraý soty depýtat pen bloger daýyna qatysty úkim keskenin  jazǵan bolatynbyz.