Atyraý oblysynyń turǵyny mas kúıde mototsıkl aıdaǵany úshin 20 táýlikke qamaýǵa alyndy

ATYRAÝ. KAZINFORM – Atyraý oblysynyń turǵyny mototsıkldi mas kúıde aıdaǵan. Sot ony 20 táýlikke qamaýǵa alý týraly qaýly shyǵardy.

Bul ákimshilik is Qyzylqoǵa aýdandyq sotynda qaraldy. Muqyr aýylynda turatyn E.-ge qatysty QR Ákimshilik quqyq buzýshylyq týraly kodeksiniń 608-babynyń 6-bóligimen ákimshilik is qozǵalǵan. 

– Sot E.-niń kólik quralyn basqarý quqyǵy bolmaǵanyn anyqtady. Soǵan qaramastan quqyq buzýshy Muqyr aýylynyń kóshesinde «BAIGE-200» markaly mototsıkldi alkogoldik masań kúıde aıdaǵan. Quqyq buzýshy E. óziniń kinásin tolyq moıyndady. Jasaǵan áreketine ókinip, otbasyndaǵy jalǵyz asyraýshy bolǵandyqtan, ózine jeńil jaza taǵaıyndaýdy surady, -dep habarlady aýdandyq sottan. 

Sot qaýlysymen quqyq buzýshy E. ákimshilik is qozǵalǵan bapqa sáıkes kináli dep tanyldy. Ol 20 táýlik merzimge ákimshilik qamaqqa alyndy. 

Sot qaýlysy zańdy kúshine engen joq.

Eske sala ketelik, budan buryn atalǵan aýdannyń Saǵyz aýylyndaǵy atystan 3 adam jaraqat alyp, aýrýhanaǵa jetkizilgenin habarlaǵan edik.