Atyraý oblysynyń turǵyndary 505 mln teńgeniń kólik salyǵyn tólemeı júr
ATYRAÝ. KAZINFORM – Atyraý oblysynda turǵyndardyń kólik salyǵyna bereshegi 505 mln teńgege jetken. Onyń ishinde 105 mln teńgege jýyǵy – ósimpul.
Atyraý oblysy boıynsha memlekettik kirister departamentiniń basqarma basshysy Bısen ıÝsýbalıevtyń málimetinshe, 9 myńnan astam adam bıylǵy kólik salyǵyn áli tólemegen.
— 2025 jylǵy kólik salyǵy boıynsha 9 myńnan astam jeke tulǵanyń bereshegi 505 mln teńge. Onyń 400 mln teńgeden astamy — negizgi salyq, 105 mln-ǵa jýyǵy — ósimpul. Jyl basynan beri júrgizilgen 107 reıdtik is-shara nátıjesinde 400 adamnan 5,2 mln teńge óndirildi, — dep habarlady Bısen ıÝsýbalıev.
Onyń aıtýynsha, salyq mólsheri jeke tulǵalardyń ıeligindegi kóliktiń qozǵaltqysh kólemine jáne aılyq eseptik kórsetkishke sáıkes esepteledi.
— Qazir 2024 jyldyń múlik salyǵyn esepteý júrgizilip jatyr. Salyqty belgilengen merzimde tólemegenderge aldymen habarlama jiberiledi. Odan keıin salyq buıryǵy shyǵarylyp, bereshek májbúrli túrde óndiriledi. Bul protsess jeke sot oryndaýshylary arqyly júzege asyrylady, — deıdi Bısen ıÝsýbalıev.
Eske sala ketelik, budan buryn Serik Jumanǵarın jańa Salyq kodeksiniń basty kemshiligin atady.