Atyraý oblysynyń turaqtandyrý qorynan 1,4 myń tonna kartop satylǵan

ATYRAÝ. KAZINFORM – Byltyr Atyraý oblysynyń turaqtandyrý qoryna 5 myń 667 tonna kókónis jetkizilgen edi. Ónimniń 1 863 tonnasy – kartop. 

«Atyraý» áleýmettik-kásipkerlik korporatsııasy» AQ-nyń departament dırektory Qaısar Qurmanalıevtiń málimetinshe, osy kezge deıin 1 myń 400 tonnadan astam kartop satylǵan.

– Qazir turaqtandyrý qorynan tutynýshylarǵa usynylatyn kartoptyń baǵasy – 180 teńge. Qorda aqpan aıynyń sońyna jeıin jetetin kartop bar. Al kóktemgi kezeńge jergilikti aýyl sharýashylyǵy taýaryn óndirýshimen tómendetilgen baǵamen 680 tonna ónim alýǵa qosymsha shart jasaldy. Shartqa sáıkes áleýmettik mańyzy bar kókónister 2024 jyldyń 1 qarashasynan osy jyldyń naýryzyna deıin satylady, - dep habarlady Qaısar Qurmanalıev. 

Onyń aıtýynsha, áleýmettik mańyzy bar azyq-túlik ónimderi Atyraý qalasyndaǵy «Dına», «Kóktem», «Saraıshyq» bazaryna, «Lıder», «IDEAL», «Paida market» sýpermarketteriniń 32 núktesine, 6 saýda pavılonyna jetkiziledi. Al Maqat, Inder jáne Mahambet aýdanyna aptasyna bir ret jiberiledi. Ónimderdi «Otbasy» sharýa qojalyǵy tasymaldaıdy. 

Eske sala ketelik, buǵan deıin Atyraý oblysynyń turaqtandyrý qoryna 5,6 myń tonna kókónis jetkizilgenin habarlaǵan edik.