Atyraý oblysynyń memlekettik eńbek ınspektsııasyna jańa basshy keldi
ATYRAÝ. KAZINFORM – Kemel Imanǵalıev Memlekettik eńbek ınspektsııasy komıtetiniń Atyraý oblysy boıynsha departamenti basshysy – memlekettik eńbek ınspektory bolyp taǵaıyndaldy.
Eńbek jáne halyqty áleýmettik qorǵaý mınıstrligi Memlekettik eńbek ınspektsııasy komıteti tóraǵasynyń mindetin atqarýshy Samat Qazaqbaevtyń 2026 jylǵy 28 qyrkúıektegi №33 buıryǵymen Kemel Imanǵalıev jańa qyzmetke taǵaıyndaldy.
Ol 1981 jyly Atyraý oblysy Inder aýdanynda dúnıege kelgen. Zańger mamandyǵy boıynsha joǵary bilim alǵan.
Eńbek jolyn 2003 jyly Atyraý oblysynyń ishki ister organdarynda bastaǵan. 2007-2017 jyldary prokýratýra organdarynda túrli laýazymda jumys istep, bólimniń aǵa prokýrorynan Atyraý oblysy prokýratýrasy basqarmasynyń bastyǵyna deıingi qyzmet jolynan ótti.
2017-2024 jyldary óńirlik memlekettik eńbek ınspektsııasy basqarmasynda bas maman, keıin eńbek qatynastaryn baqylaý bóliminiń basshysy boldy.
2024 jylǵy qarashadan bastap Memlekettik eńbek ınspektsııasy komıtetiniń Atyraý oblysy boıynsha departamenti basshysynyń orynbasary qyzmetin atqaryp keldi.
Buǵan deıin Aqtóbe oblysyna qarasty Mártók aýdany ákiminiń qyzmetine Nurjan Maqsatov taǵaıyndalǵanyn jazǵan edik.
