Atyraý oblysynyń Mahambet aýdanynda 66 egin alqaby tasqyn sý astynda qalǵan

ATYRAÝ. KAZINFORM – Atyraý oblysynyń Mahambet aýdanynda 66 egin alqaby tasqyn sý astynda qalǵan.

Mahambet aýdanynyń ákimi Qaırat Nurlybaevtyń aıtýynsha, tasqyn sýdyń saldarynan mal ósiretin 27 sharýa qojalyǵy zardap shekken. Onyń ishinde 1 óndiristik jylyjaı qurylysy, 1 jylyjaı, 1 eshki sútin óndiretin zaýyt, 1 balyq ósirý zaýytynyń qurylysy jáne 4 demalys orny bar.

«Zardap shekken sharýashylyq ıeleriniń shyǵyny tolyqtaı óteledi. Tasqyn sýdyń aǵyny saıabyrlaǵan soń, arnaıy komıssııa qurylady. Komıssııa músheleri sý astynda qalǵan egin alqaptaryna akt jasap, esebin júrgizedi», - dedi Qaırat Nurlybaev.

Onyń deregine súıensek, mal shyǵyny bolmaǵan. Óıtken, sý basýy múmkin aýmaqtardaǵy qojalyqtardyń maly aldyn ala bekitilgen qaýipsiz jerge kóshirilgen. 

Qazir zardap shegý qaýpi bar aýmaqta egin sharýashylyǵymen aınalysatyn 7, mal sharýashylyǵy baǵytyndaǵy 19 sharýa qojalyǵy qalyp otyr. 

Eske sala ketelik, buǵan deıin Atyraýdaǵy Mahambet aýylyna qaýip tóngenin habarlaǵan bolatynbyz.