Atyraý oblysynyń qansha eldi mekenine tasqyn sý qaýpi tónedi

ATYRAÝ. KAZINFORM – Atyraý oblysynda kóktemgi tasqyn sýdyń qaýpi tónetin 51 eldi meken bar. Qazir 15 eldi mekende qaýip seıilgen.

Atyraý oblystyq tótenshe jaǵdaılar departamentiniń bastyǵy Nurlan Jańabaevtyń aıtýynsha, bıyl Jaıyq ózenindegi sý deńgeıi normadan 270 sm-ge joǵary bolýy múmkin. 

«Qyzylqoǵa, Jylyoı aýdandary aýmaǵymen ótetin Oıyl jáne Jem ózenderiiniń basseınderine sý kóp keletini týraly málimet bar. Óıtkeni, atalǵan ózenderdiń bastaýy jatqan Aqtóbe oblysynda jaýyn-shashyn mólsheri kóp tústi. Jalpy óńirde tasqyn jáne erigen sý basýy múmkin 51 eldi meken bar. Qazir 15 eldi mekende qaýip seıildi. Al, 12 eldi mekendegi qorǵanys bógetterine 2021-2025 jyldary aralyǵynda kúrdeli jóndeý júrgizý jumysy josparlandy. Endi sý tasqynyna qarsy daıyndyqtyń ınjenerlik josparyna 24 eldi meken engizildi», - dedi Nurlan Jańabaev.

Oblysy ákimi Serik Shápkenovtiń óńirde joldardyń astynda ornalasqan 396 sý ótkizý qubyry topyraqpen tolyp qalǵan. Ony tez tazalaý qajet. 

«Sý tasqyny qaýpiniń aldyn alý úshin barlyq múddeli memlekettik organ birlese jumys isteýi kerek. Óıtkeni, tasqyn sý ýaqyt talǵamaıdy. Sý kelý týraly el arasynda alyp-qashpa áńgime kóp. Osyǵan baılanysty turǵyndarǵa jedel aqparat taratýdyń mańyzy zor. Turǵyndar ózderi turatyn eldi mekende qandaı jumystar istelgeni týraly habardar bolýy tıis», - deıdi Serik Shápkenov.

Eske sala ketelik, buǵan deıin Atyraýda kúkirtti sýtegi shekti mólsherden 97 ese asyp, joǵary ekstremaldy lastaný tirkelgenin habarlaǵan edik.