Atyraý oblysynyń Inderbor kentinde sý tazartý qondyrǵysynyń qubyry úzildi

ATYRAÝ. KAZINFORM – Atyraý oblysynyń Inderbor kentinde sý tazartý qondyrǵysynyń qubyry úzildi. Sonyń saldarynan eki shaǵyn aýdandaǵy 700 abonetke sý berý ýaqytsha toqtatyldy.

Inder aýdanynyń ákimi Daryn Shamuratovtyń málimetinshe, sý berýdi ýaqytsha toqtatý týraly búgin saǵat 13:50-de sheshim qabyldanǵan.

«Inderbor kentinde táýligine 2400 tekshe metr sý tazartatyn qondyrǵynyń birinshi kóterilim qubyry aǵash salyndylarynyń kedergisinen úzildi. Kentte 4500 abonent bar. Onyń ishinde «Bolashaq» jáne «Shyǵys» shaǵyn aýdandaryndaǵy 700 abonentte aýyz sý berý ýaqytsha toqtatyldy. Qazir jóndeý jumystary júrip jatyr. Sý ekinshi sý tazartý qondyrǵysymen de berilýde. Degenmen, bul kentti tolyq qamtı almaıdy. Jóndeý jumysy túngi 24:00-ge deıin aıaqtalady», - dep habarlady Daryn Shamuratov.

Eske sala ketelik, budan buryn Jaıyq ózenindegi sý deńgeıi Inder aýdanynda 900 santımetrge jetkenin jazǵan bolatynbyz.