09:15, 13 Mamyr 2024 | GMT +6
Atyraý oblysynyń Inderbor aýylynda sý sorý jumystary júrgizilip jatyr
ATYRAÝ. KAZINFORM – Atyraý oblysynyń Inderbor aýylynda úıindi qurylys teliminde sý sorý jumystary jalǵasyp jatyr. Bul týraly Tótenshe jaǵdaılar mınıstrliginiń baspasóz qyzmeti málimdedi.
Túnde qorǵanys bógetin nyǵaıtý jumystary júrgizildi. Qazirgi ýaqytta aýyldy sý basý qaýpi joq.
Aıta ketsek, ótken táýlikte «Qazgıdromet» RMK gıdrologııalyq monıtorıng derekteri boıynsha Inder aýdanyndaǵy saǵat 09-00 jaǵdaı boıynsha Jaıyq ózenindegi sý deńgeıi 5 sm kóterilip, 1038 sm boldy.
Buǵan deıin vıtse-premer Qanat Bozymbaev Atyraý oblysy Inder aýdanynyń Inderbor, Jasýat, Qurylys aýyldarynda, sondaı-aq Mahambet aýdanyna qarasty Mahambet, Saraıshyq, Taldykól aýyldarynda jaǵalaýdy nyǵaıtý jumystaryn teksergenin jazǵan bolatynbyz.
