Atyraý oblysynyń ekonomıkalyq tergeý departamentine jańa basshy taǵaıyndaldy

ATYRAÝ. KAZINFORM — Qarjylyq monıtorıng agenttigi tóraǵasynyń buıryǵymen Atyraý oblystyq ekonomıkalyq tergep-tekserý departamentiniń basshysy laýazymyna Nurlan Kárimov taǵaıyndaldy.

Nurlan Mahsotuly 1981 jyly Batys Qazaqstan oblysynda týǵan. Ekonomıkalyq tergeý qyzmetiniń polkovnıgi. 

Onyń eki joǵary bilimi bar. Qarjy polııtsııasy akademııasyn, Batys Qazaqstandaǵy «Eýrazııa» menedjment jáne tilder ınstıtýtyn bitirgen. 

Eńbek jolyn 2002 jyly bastaǵan. Sodan beri qarjy polıtsııasy organynda tergeýshi, aǵa tergeýshi bolyp jumys itegen. Ekonomıkalyq jáne sybaılas jemqorlyqpen kúres agentiginde, Qarjy mınıstrliginde, ekonomıkalyq tergeý organynda laýazymdy qyzmet atqarǵan.
Al 2022 jyly Abaı oblysynyń ekonomıkalyq tergep-tekserý departamentiniń basshysy bolyp taǵaıyndalǵan.

Eske sala ketelik, budan buryn Asqar Júsipov Atyraý oblystyq ekologııa departamentin basqaratynyn habarlaǵan edik.