Atyraý oblysynyń aýmaǵynan ushqyshsyz ushý apparatynyń synyqtary tabyldy
ATYRAÝ. KAZINFORM – Atyraý oblysynda ushqyshsyz ushý apparatynyń bólikteri eldi mekennen tys jerde tabyldy.
Aldyn ala málimetke súıensek, 27 naýryz kúni turǵyndar qatty dybysty estigen, artynsha apparat jerge qulap, órtengen.
Jergilikti turǵyndardyń sózinshe, qulaý sátinen keıin birden órt tutanyp, keıin oqıǵa ornynan kúıip ketken bólshekter tabylǵan. Olar ushqyshsyz ushý apparatynyń synyqtaryna uqsaıdy.
– Atyraý oblysy Polıtsııa departamenti ýákiletti qyzmettermen birlesip, ushqyshsyz ushý apparatynyń synyqtaryna uqsas zattardyń tabylýyna baılanysty tekserý is-sharalaryn júrgizip jatyr. Nysan eldi meken aýmaǵynan tys jerde anyqtalǵan. Oqıǵanyń barlyq mán-jaıy anyqtalýda, - dep málimdedi PD baspasóz qyzmeti.
Qazirgi ýaqytta nysannyń qaıdan kelgeni jáne naqty ne bolǵany belgisiz.
3 kún buryn BQO aýmaǵynan ushqyshsyz ushatyn apparat tabylǵan edi.
