Atyraý oblysynyń ákimdigi Ulttyq qorǵa 2,5 trln teńge aýdardy

Bıyl 1 jartyjyldyqta oblystyń jalpy óńirlik ónim kólemi 315,2 mlrd teńgeni qurady. Bul týraly Atyraý oblysynyń ákimi Serik Shápkenov málim etti, dep habarlaıdy Kazinform.

«Bıyl 1 jartyjyldyqta oblystyń jalpy óńirlik ónim kólemi 315,2 mlrd teńgege ósip, naqty kólem ındeksi 103,8% qurady. Respýblıkanyń jalpy ishki ónimindegi oblys ekonomıkasynyń úlesi 14,1%. Al jan basyna shaqqandaǵy jalpy óńirlik ónim 9,6 mln teńge», - dedi Serik Shápkenov Ortalyq kommýnıkatsııalar qyzmet alańynda ótken baspasóz máslıhatynda.

Ákim bergen aqparatqa sáıkes bıyl 10 aıda makroekonomıkalyq ónerkásip óniminiń kólemi 9 135,8 mlrd teńgeni qurady.

«Jyl basynan beri salyqtyq jáne basqa da mindetti túsimder 4,8 trln teńgeni qurady (2022 j. 11 aıda – 5,5 trln teńge). Onyń ishinde memlekettik bıýdjetke 2,3 trln teńge tústi. Jyl basynan beri Ulttyq qorǵa 2,5 trln teńge aýdaryldy», - deıdi ol.