Atyraý oblysynyń ákimi Bolat Aqsholaqov Memlekettik tý kóterý rásimine qatysty
ATYRAÝ. KAZINFORM - Respýblıka kúninde Atyraýdaǵy Memlekettik rámizder alańynda Memlekettik tý kóterý rásimi ótti. Saltanatty is-sharaǵa oblys ákimi Bolat Aqsholaqov, memlekettik jáne quqyq qorǵaý organdarynyń ókilderi, ardagerler, jastar men qala turǵyndary qatysty.
Qazaqstan Respýblıkasynyń Memlekettik týy kóterilip, gımn shyrqalǵan soń oblys ákimi sóz sóılep, jurtshylyqqa merekelik tilegin aıtty.
— Respýblıka kúni — memlekettigimizdiń tarıhyndaǵy mańyzdy kún. Búgin biz ótkenimizdi qorytyndylap, bolashaqtaǵy mindetterimizdi aıqyndaımyz. Memleket basshysy Qasym-Jomart Toqaevtyń basshylyǵymen halyqtyń ál-aýqatyn arttyrýǵa jáne memleketti nyǵaıtýǵa baǵyttalǵan reformalar júıeli túrde júzege asyrylyp keledi. Eldiń erteńi úshin ortaq jaýapkershilik, birlik pen kelisim — bizdiń aldaǵy damýymyzdyń negizi. Barshańyzǵa myqty densaýlyq, árbir otbasyǵa amandyq, elimizge beıbitshilik tileımin. Qazaqstanymyz órkendeı bersin! — dedi Bolat Aqsholaqov.
Іs-shara kontserttik baǵdarlamaǵa ulasty.
