Atyraý oblysynyń 12 mektebinde 41 «óli janǵa» 90 mln teńge jalaqy tólengen

ATYRAÝ. KAZINFORM – Atyraý oblysynyń 12 mektebinde 41 «óli janǵa» 90 mln teńge jalaqy tólengeni anyqtalǵan. 

Sybaılas jemqorlyqqa qarsy is-qımyl agenttigi Atyraý oblystyq departamenti basshysynyń birinshi orynbasary Nurlan Jahınniń málim etýinshe, bilim salasynda jas urpaqty tárbıeleý men oqytýǵa eleýli tosqaýyl bolatyn sybaılas jemqorlyq táýekelderi bar.

«Máselen, ótken jyly bilim berý salasynda sybaılas jemqorlyq táýekelderine syrtqy taldaý júrgizdi. Sonyń nátıjesinde sybaılas jemqorlyq 10-ǵa táýekeli baıqaldy. Osyǵan baılanysty tıisti organǵa 26 usynys berildi. Taldaý kezinde 12 mektepte is júzinde jumys istemeıtin 41 «óli janǵa» jalaqy aýdarylyp, memleketke shamamen 90 mln teńge shyǵyn keltirilgeni anyqtaldy», - deıdi Nurlan Jahın. 

Onyń aıtýyna qaraǵanda, jergilikti departament basshylary sybaılas jemqorlyq táýekelin joıatyn birneshe usynys berip otyr. 

«Birinshiden, býhgalterlik eseptiń aqparattyq júıelerine tsıfrlyq sheshimderdi engizý sheńberinde bıýdjettik ótinimderdi usyný tártibin bekitý qajet. Ekinshiden, jalaqy tóleýge, onyń ishinde avansty berýge baqylaý tetigin ázirleý, engizý máselesiniń tıimdiligi bar. Úshinshiden, qoldanystaǵy zańnamaǵa sáıkes pedagogter men basqa da qyzmetkerlerdiń jumys saǵatyn lımıtten tys belgileýdi boldyrmaıtyn tetik bóligine birqatar usynys berdik. Osy usynystardyń nátıjesinde qazirdiń ózinde tiımdiligi baıqala bastady. Onyń ishinde jymqyrý táýekelderin barynsha azaıtý múmkindigi baıqaldy. Sondaı-aq jergilikti atqarýshy organdardyń býhgalterlik esepti júrgizý boıynsha satyp alynatyn aqparattyq júıelerdiń mindetti parametrleri men tehnıkalyq sıpattamalaryn birizdendirý úshin quqyqtyq jaǵdaılar jasaldy», - dep málim etti Nurlan Jahın.

Departament ókiliniń pikirinshe, bilim salasy qyzmetkerleriniń bir ǵana mindeti bar. Bul – sapaly bilim berý jáne jas urpaqqa otansúıgishtik, eńbekqorlyq, parasattylyq qundylyqtaryn sińirý. 

Eske sala ketelik, buǵan deıin Atyraý oblysynda 60 aýyldyń oqýshylary mektepke tasymaldanatynyn jazǵan edik.