Atyraý oblysyndaǵy Saǵyz aýylynyń jastary taǵy da tóbelesti

ATYRAÝ. KAZINFORM – Atyraý oblysyndaǵy Saǵyz aýylynyń jastary arasynda janjal týyndady. Qazir qylmystyq is qozǵalyp, tergeý bastaldy.

Bul derekti Atyraý oblystyq polıtsııa departamentiniń baspasóz qyzmeti rastady. 

«Áleýmettik jelide Qyzylqoǵa aýdanynyń Saǵyz aýylynda bolǵan janjal týraly beınejazba tarady. Osyǵan baılanysty Qyzylqoǵa aýdandyq polıtsııa bóliminiń qyzmetkerleri anyqtaý jumysyn júrgizýdi qolǵa aldy. Atalǵan derek boıynsha buzaqylyq babymen qylmystyq is qozǵalyp, tergeý bastaldy. Oblys aýmaǵyndaǵy barlyq aýrýhanalar tekserilip, dene jaraqatymen qaralǵan tulǵalar anyqtalǵan joq», -dep habarlady departamenttiń baspasóz qyzmeti. 

Sondaı-aq, Saǵyz aýylyndaǵy jastarǵa profılaktıkalyq túsindirý jumystary júrgizililip jatyr.

Saǵyz – Qyzyqoǵa aýdanyndaǵy Saǵyz aýyldyq okrýginiń ortalyǵy. Temirjol boıynda ornalasqan bul aýylda úsh bilim ordasy, bir mýzyka mektebi, bir kolledj bar. Eki balabaqsha, mádenıet úıi, Saǵyz bólimshelik aýrýhanasy jumys isteıdi. 

Aýyldyq okrýgte 2021 jylǵy sanaq qorytyndysy boıynsha 7441 adam tirkelgen. Onyń quramynda Kenbaı, Qońyraýly, Bylqyldaqty eldi mekenderi bar. 

Eske sala ketelik, budan buryn Atyraý oblysynda aýyl jastarynyń arasynda atys bolǵanyn jazǵan edik. 

Keıin atystan jaraqat alǵan bir adam aýrýhanada qaıtys boldy. 

Osy iske baılanysty Atyraýda alqabıler 21 adamǵa qatysty qylmystyq iske sheshim shyǵardy.