Atyraý oblysyndaǵy Ordabaı kólinde móńke balyǵynyń shabaǵy qyrylyp jatyr

ATYRAÝ. KAZINFORM – Atyraý oblysyndaǵy Ordabaı kólindegi muz astynda balyq shabaqtary óte kóp mólsherde jınalyp qalǵan. Shabaqtyń qyrylý deregi rastaldy. 

Атырау облысындағы Ордабай көлінде мөңке балығының шабағы қырылып жатыр
Фото: Жайық-Каспий облысаралық бассейндік балық шаруашылығы инспекциясы

Jaıyq-Kaspıı oblysaralyq basseındik balyq sharýashylyǵy ınspektsııasynyń málimetinshe, Ordabaı kóli Jylyoı aýdanynda ornalasqan.

– Keshe, 4 aqpanda oqıǵa ornyna Teńiz balyq ınspektsııasy bóliminiń mamandary, Jylyoı aýdandyq aýyl sharýashylyǵy jáne jer qatynastary bóliminiń basshysy bardy. Ordabaı kólindegi kópir mańynda baqylaý, qadaǵalaý júrgizildi. Monıtorıng kezinde balyqtyń tunshyǵý, qyrylý faktisi rastaldy. Inspektsııa mamandary jergilikti atqarýshy organmen birlesip, qyrylǵan balyqty jınaý, tiri shabaqtardy qutqarý jumysyn júrgizý týraly sheshim qabyldady. Qyrylǵan móńke balyǵy shabaqtarynyń salmaǵy – 4 keli. Balyqtyń qyrylýynyń boljamdy sebebi – sýdaǵy erigen otteginiń jetispeýshiligi, - dep habarlady oblysaralyq ınspektsııadan. 

Atyraý oblysyndaǵy Ordabaı kólinde móńke balyǵynyń shabaǵy qyrylyp jatyr
Foto: Jaıyq-Kaspıı oblysaralyq basseındik balyq sharýashylyǵy ınspektsııasy
balyq
Foto: Jaıyq-Kaspıı oblysaralyq basseındik balyq sharýashylyǵy ınspektsııasy

Qyrylǵan balyq shabaqtary jınalyp, sanıtarlyq normalarǵa sáıkes joıylǵan. 

– 23 myń balyq shabaǵy qutqarylyp, Qulsary qalasynyń mańyndaǵy Qamyskól kóline jiberildi. Onyń basym kópshiligi – móńke balyǵynyń shabaǵy, - dep málim etti ınspektsııadan. 

Eske sala ketelik, buǵan deıin Atyraý oblysyndaǵy aǵysy joq sýdan 3 kúnde 4,5 mln shabaq qutqarylǵanyn jazǵan edik. 

Сейчас читают