Atyraý oblysyndaǵy Maqat aýdanynyń ákimi taǵaıyndaldy

ATYRAÝ. KAZINFORM – Atyraý oblysyndaǵy Maqat aýdanyna jańa ákim taǵaıyndaldy. Prezıdent Ákimshiligi jáne aýdandyq máslıhat depýtattarynyń kelisimine sáıkes oblys ákiminiń ókimimen bul laýazymdy Azamat Mámbetov atqaratyn boldy. 

Azamat Samatuly 1986 jyly dúnıege kelgen. Eki joǵary bilimi bar. Qazaq gýmanıtarlyq zań ýnıversıtetin zańger, Q.Jubanov atyndaǵy Aqtóbe memlekettik ýnıversıtetin ekonomıst mamandyǵymen bitirgen. 

2006 jyldan beri memleketik qyzmet salasynda jumys isteıdi. 2006-2009 jyldary Aqtóbe qalalyq ákimi apparaty janyndaǵy mekemede kadr jónindegi bas maman, 2010-2019 jyldar aralyǵynda Atyraý oblystyq densaýlyq saqtaý basqarmasynyń kadr isi jónindegi bas mamany, zańger, bólim basshysy bolǵan. 

Al, 2019-2021 jyldary Atyraý oblystyq oblystyq jumyspen qamtýdy úılestirý jáne áleýmettik baǵdarlamalar basqarmasynda bólim basshysy, keıin basqarma basshysynyń orynbasary bolyp jumys istegen. Sol jyldyń mamyrynan búgingi taǵaıyndaýǵa deıin atalǵan basqarmanyń basshysy laýazymyn atqaryp keldi. 

Eske sala ketelik, budan buryn Atyraýdaǵy Maqat aýdan ákiminiń áıeli kúıeýinen zábir kórgenin aıtqan edi.

Keıin aýdan ákimniń áreketine qatysty qyzmettik tekserý júrgiziletinin jazǵan bolatynbyz. 

Maqat aýdanynyń ákimi áıeliniń aıyptaýyna baılanysty pikir bildirdi. Biraz kúnnen soń Atyraý oblysyndaǵy Maqat aýdanynyń ákimi qyzmetinen ketti.